香港追星 STARHK's Archiver

babigoh 發表於 2013-8-17 06:01 PM

李思捷攬錫新歡 春卷宣佈「分」訊

王宝宝(春卷)同張苡澂等今日以評判身份,喺深水埗出席水著模特兒大賽。

春卷經常被影到同男李思捷出雙入對,拍拖已經係公開秘密,甚至被拍到出入酒店;上月初李思捷出席《熟男有惑》飯局時,思捷被媽媽催婚,李媽媽仲話思捷緋聞女友個個都好,不過對兒子結婚一事,就話順其自然。

然而思捷從未正式承認春卷呢個女友身份,加上男方緋聞多多,除咗同0靚模Naomi搭上外,又同陳雅倫傳緋聞,日前又被流出同疑似新歡Sammy Hon錫面照,表現親熱。

男友緋聞多多,咁身為女友嘅春卷有冇不滿呢?春卷竟然話:[b]「佢一向多緋聞,我0依家冇拍拖。」[/b]吓?冇..拍..拖?

唔通佢哋分咗手?春卷就話:[b]「我同佢事嘅唔想講太多,我哋一向都唔係好講,最近都有見面食飯,we (are)still very good friend。」[/b]噢,降呢為好朋友了﹗

咁佢同李思捷出現乜嘢問題?春卷只係話:[b]「每一段關係都有自己問題。」[/b]

不過李思捷未曾講過分手,(其實佢都冇認過拍拖,又真係好難會認分手﹗)0依家係咪單方面宣佈分手呢?春卷只話:[b]「唔多講,佢想做咩佢決定,我哋一直都係very good friend。」[/b]春卷再三強調現時係單身。

頁: [1]

Powered by Discuz! Archiver 7.0.0  © 2001-2009 Comsenz Inc.