被爆向財務公司借貸 黑色乳牛口窒窒：我有借錢 黑色乳牛, 歐陽巧瑩

babigoh

一班準港姐自從拍完外景後，近日頻頻曝光，咁又係，準決賽喺本月25號舉行，總決賽就喺9月1日舉行，若然佢哋再唔多啲曝光，怕且真係冇乜人記得。

今日無綫安排20位候選佳麗，喺將軍澳電視廣播城宣傳，佢哋着住小背心同迷你短裙﹑短褲現身，大部份佳麗都好醒目，以手遮大髀防走光，可惜9號「飛釘千雪」劉溫馨，依然唔小心走光，露出白底。

另外，是非多多嘅13號「黑色乳牛」歐陽巧瑩，除咗被爆整容、攬仔照外，同叫朋友「kiss」佢嘅ball之外；近日又被指有人「包養」，及用朋友名義作擔保人、向財務借貸。今日歐陽巧瑩就否認被包養；至於財務借貸，初時佢口窒窒否認，後來先話：「我有借錢，但係屋企需要，有按期清還，其他私隱唔方便講。」