《夜蒲3》寸嘴Barbie谷奶漏釘 左胸附近有疤痕 寸嘴, Barbie, 夏尉喻

babigoh

電影《喜愛夜蒲3》今日喺中環舉行開鏡拜神儀式，話明夜蒲，點解今朝11點幾就開鏡㗎？

一眾女演員包括陳靜(DaDa)、雨僑、夏尉喻(Barbie)、文凱玲(Connie)、蕭美卡同埋郭穎兒等「谷到盡」宣傳，升咗呢嘅DaDa難得今日久露事業線，雖然肥咗，不過仍好有睇頭；但係當中以著咗件細碼衫再力谷上圍嘅Connie、上圍驚人嘅寸嘴Barbie最搶鏡。

其間發現Barbie左胸附近嘅條好明顯嘅疤痕，唔係因為隆胸嘛？寸嘴Barbie被問到時表示：「我三、四個月前有心肌炎，心臟附近有啲瘀血要做手術，依家好番。」佢又笑笑口話：「隆胸就唔係得一邊啦。」咁又係，除非大細邊啦...

雖然Barbie否認隆胸，不過飛釘點解釋先？今日Barbie真空上陣，唔知係咪空氣凍關係，記者會其間見佢不時飛釘，成功搶鏡！唔知佢會唔會同漏M女孫旗一樣，俾雞排妹寸佢凸假釘呀嗱？

至於同場一樣谷胸上陣嘅Connie，被問到點解都「谷到咁盡」時，佢即時回應：「我哋唔係不嬲都係咩？」佢仲解釋近排食多咗，所以先有衣不稱身嘅效果，又表示自己係33D同自認輸俾DaDa：「我係細磅胸」。