妖爆Bosco爆舊愛杏兒 成日著泳衣 胡杏兒, 胡杏儿

babigoh

黃宗澤(Bosco)噚晚喺太古坊出席化妝品牌活動，佢畫上深色眼線，仲搽埋指甲油，妖味十足，佢話﹕「好多韓星都係咁，我貪玩又貪靚咪試吓。」問有冇留意舊愛杏兒喺《衝II》著泳衣？佢淡然回應﹕「成日都着。」但之後佢又否認對方以前經常著俾佢睇，又話最近無時間收睇。

在場有記者拎出手機俾杏兒泳裝照俾Bosco睇，佢就好避忌話﹕「今日眼線太勁擋住咗，有信心先敢着泳衣，都OK。」佢緋聞女友岑麗香都有同場著泳裝，佢話﹕「公司有幾多人啫，一齊拍好正常，無綫人才濟濟，個個都有身材。」

另外，汪圓圓、趙勁皓、趙碩之等亦有到場，趙勁皓早前被指開酒吧陪客，佢直認陪飲好正常，又透露開咗兩間正吧同一間基吧，問有冇俾人抽水？佢話﹕「大家好禮貌，最多搭膊頭影相。」據悉同佢合作開酒吧亦係姓劉，問係咪早前大手購買其寫真集嘅劉先生，定係劉定成？佢話﹕「兩個都唔係，我朋友咁啱姓劉啫。」而11月結婚嘅圓圓自言怕體重反彈，故臨近11月先努力減肥。