Avis緋聞被娜姐寸似曱甴生蛋 新歡Yumi:很不開心 尹蓁晞, Yumi

babigoh

做得「周秀娜前男友」，陳偉成(Avis)同邊個傳緋聞，娜姐難免都要回應一下，不過，甩拖幾個月，隔兩個月對象都唔同，娜姐難免都發火，近日直情指Avis堆緋聞似足曱甴生蛋，一胎成幾百隻，邊有咁多功夫次次都回應?

咁今日，Avis第一次帶新歡出嚟見人，就係曾經被指援交嘅34C o靚模尹蓁晞(Yumi)，佢前日未公開戀情，已經喺微博話:「感情沒有誰對誰錯，你被人說是蟑螂我真的很不開心，因為我相信你，有人故意想把事情上新聞我沒有話說 」今日傍晚6點幾，Yumi再話:「謝謝我現在很幸福」似乎同Avis戀得痴纏，佢又不時放下性感相上微博，心情真係好好喎。