與前夫互發律師信 羅霖踢爆劉坤銘：佢邊有財產？ 羅霖

babigoh

羅霖噚晚喺柴灣拍廣告，雖然已年逾40，不過佢着住貼身短裙時，依然弗到漏，佢又話接拍前曾經掙扎過，羅霖話﹕「擔心畀人覺得我做好多嘢（整容），其實只係面嘅下半部打咗幾十支針，增新⻣膠原，唔擔心打上癮。」

另外，羅霖又話同劉坤銘搞離婚時，雙方關係麻麻，最近仲互發律師信畀對方，係咪同財產分配有關？羅霖就爆響口話：「佢邊有財產？啲商人好叻，乜都可以好快轉晒，好彩0依家多嘢做，財政冇問題，可以畀龐大律師費有餘，只係覺得唔抵啫﹗」

有指劉坤銘喺1997年曾遇上金融風暴，1998年底出現財政問題，到2000年被太平洋電訊有限公司，入稟高等法院申請破產，雖然有關方面之後撤銷申請，但當時劉嘅事業已陷入困境，當時定居新加坡嘅羅霖復賺錢，同老公面對難關。