<<新主題 | 舊主題>>
香港追星 STARHK » 娛樂名人討論 » E Cup超蓮寸爆DaDa:我都好慘0架!
返回列表 回復 發帖

E Cup超蓮寸爆DaDa:我都好慘0架!

因為DaDa今日失場,故原定由佢率領師妹Asa(右一)同Mei Mei(右二)出席銅鑼灣活動,依家一個DaDa換兩個……E Cup超蓮鍾采羲同Celia K.撐場。已經有段時間冇見嘅E Cup超蓮鍾采羲俯身晒E奶,相當養眼。咁當然,如果DaDa喺度,就更養眼啦。

臨時拉伕嘅Celia表示:「珍惜每個工作機會,冇咩所謂嘅,真係。」E Cup超蓮就話:「咩後補?我唔知喎,我真係唔知喎!」之後再謂:「如果老闆叫我做乜嘢工作,咁喺我工作範圍內,我都會做。」

對於DaDa話有情緒病要退出,E Cup超蓮表示自己剛去完旅行,唔知發生咩事,再謂:「其實我都好唔開心,我最近都heart broken,你留意吓我facebook,我都好慘0架最近。」問佢咩事咁慘?係咪分手?佢又裝出成個慘樣話:「係呀!好慘呀!好可憐呀!」咁你有冇情緒病呢?此時E Cup超蓮先至正經謂:「呢個係都市病,我諗好多人都有。」

至於Celia K.就表示同DaDa份屬多年朋友,但最近比較忙,只係噚晚有傳短訊問候,DaDa就回覆:「no worry」,之後再聯絡唔到。

記者續問Celia K.擔唔擔心DaDa?佢即刻露出憂慮之色,諗咗一諗,話:「冇乜嘢,佢搞得掂0架喇,唔使擔心佢。我擔心自己工作多啲!」嘩,呢啲咁嘅朋友,去邊度搵?

一問到可覺得DaDa退出,大家就少咗個勁敵、多咗個機會?當時眾女表情若有所思,似竊喜,又似認真諗緊樣。Celia K.話:「少咗個『勁敵』呀?但我哋同公司0架喎!應該一齊做嘢。」

話自己14歲就識DaDa嘅Mei Mei就話:「呢件事都好突然啦,識咗佢咁多年,希望佢快啲好番。佢冇覆我message,佢未試過咁樣,希望佢快啲好番,變番以前開心活潑嘅DaDa。」
1376055178_10f6.jpg
1376055181_e121.jpg
1376055191_35eb.jpg
Celia K.反問 「少咗個『勁敵』呀?」.jpg
DaDa師妹Asa(右一)同Mei Mei(右二),以及鍾采羲(左一)、Celia K.(左二).jpg
abbr_55eb516da0cca4553ff5d20b18bc65af.jpg
E Cup超蓮「咩後補?我唔知喎,我真係唔知喎!」.jpg
elia K.補充「但我哋同公司0架喎!應該一齊做嘢。」.jpg
嘩,真係好慘呀!.jpg
abbr_be6e6b9716f48d8121a9301ae7e8441b.jpg
abbr_c86febaff67c50acc74496d60bdbc5ed.jpg
返回列表 回復 發帖
<<新主題 | 舊主題>>
香港追星 STARHK » 娛樂名人討論 » E Cup超蓮寸爆DaDa:我都好慘0架!

重要聲明:starhk.com為一個討論區服務網站。本網站是以即時上載留言的方式運作,starhk.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。starhk.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。