為裸照風波報警 張暖雅痛斥：「放照片的人畜生都不如」 張暖雅

babigoh

內地34D「導彈胸」張暖雅，上月底被爆裸照兼喺網上瘋傳，甚至無格仔版任睇。有人將矛頭力指前經理人Peter，連日來隔空罵戰，而張暖雅聲言要報警，點知就俾Peter捷足先登報警。

咁張暖雅又點呢？原來呢幾日佢都喺內地登台做嘢，所以未返香港，到今日下晝3點幾，張暖雅先喺佢導演老公胡耀輝，以及律師陪同下，到九龍城警署報案。

期間約30名記者追訪，張暖雅入警署前用普通話接受記者訪問，佢話：「我今天為有人惡意散播裸照事件來報警，放照片的人畜生都不如，希望警方幫到我，令放相的人得到應有懲罰。」

張暖雅曾多次講過前經理人Peter保管過嗰批相，似暗示有嫌疑，佢話：「我沒說誰，相信警方還我公道。」兩公婆話會追究到底。