陳凱琳先拔頭籌 曾志偉狂踩港姐：甩皮甩骨 陳凱琳, 港姐

babigoh

今屆港姐曝光率唔算多，不過是非都幾多，好似13號「黑色乳牛」歐陽巧瑩，多次被爆整容﹑性感照及攬仔照，成為港姐風頭躉。

今日20位準港姐以自選衣飾示人，曾志偉同崔建邦都有出席，現場仲選出「最受傳媒歡迎佳麗」，結果由17號陳凱琳奪得，佢話獲獎後信心大增，希望有機會攞冠軍。

由於志偉對呢班佳麗陌生，所以當崔建邦問志偉對今年佳麗質素點睇時？志偉望一望班佳麗，然後笑笑口寸爆：「冇所謂，選美好黑幕，未到最後一日唔知，今年口號『超越想像』，真係超越我想像，諗唔到你哋咁嘅樣，今日甩皮甩骨，未在狀態。」事後志偉就話只想嚇下班佳麗，希望佢哋釡底抽薪。