吳卓羲戲中俾33C傅嘉莉攬 戲外仲有35E梁靖琪 傅嘉莉, 梁靖琪

babigoh

今集明明係吳卓羲向杏兒表心跡，點知變成傅嘉莉向杏兒表白，話佢真係鍾意吳卓羲；而杏兒亦都表白咗……向周志文(阿B)講，唔鍾意佢。咁吳卓羲同杏兒呢？人家杏兒明明有機會問清楚吳卓羲:你當我係夏晨定Zoe？點知男方都未答，傅嘉莉唔知由邊度跑出嚟話開飯喇!電視劇情，就係咁樣。

28歲中德混血兒傅嘉莉，上圍達33C，係今集眾女角中最驕人嘅一個，而佢一雙腿，亦係眾女中，最為「強壯」，尤其是剛出場嗰吓。

今集監製同編審明益吳卓羲啦，唔止有五位美女著比堅尼悅其眼目，仲嚟多場傅嘉莉遇溺戲，水中胸壓吳卓羲，真係正宗波濤「胸擁」，水乳交融。可惜現實中吳卓羲擺到明就係dislike傅嘉莉，唔鍾意佢借自己個名自製緋聞博宣傳。

唉，就算女方唔係咁進取都冇用啦，事關吳卓羲當時已有——人妻梁靖琪。去年9月，吳卓羲跟《衝上II》大隊到三亞拍攝，遇著35E梁靖琪。吳卓羲表示當梁靖琪係細妹一樣，夜麻麻約埋一眾好友戲水，更熱情得錫錫兼攬實，好有骨肉重逢feel。

現實中有個35E人妻水中攬實，戲中有個34吋自製緋聞女水中胸壓。這些機會，不是你們的。