<<新主題 | 舊主題>>
香港追星 STARHK » 娛樂名人討論 » 林宥嘉見過全相? G.E.M.紅都面晒
返回列表 回復 發帖

林宥嘉見過全相? G.E.M.紅都面晒

噚晚新城喺會展搞嘅音樂會,邀請咗喺內地hit到爆嘅《中國好聲音》歌手包括鄭虹、李維真同趙露做嘉賓,香港歌手就有鄧紫棋(G.E.M.)、RubberBand同小肥等,全部都係唱得之人。

不過小肥獨唱嗰陣甩嘴要重唱,同趙露合唱《征服》嗰陣仲俾人哋嘅歌聲壓倒。好彩壓軸出場嘅G.E.M.完全冇怯場,仲同聲底雄厚嘅鄭虹合唱時擦出火花,掀起高潮。

身穿白色短top露腰嘅G.E.M.上圍激凸,佢話套衫係唱片公司幫佢安排,問事前有冇問過男友林宥嘉(Yoga)?佢話﹕「我都係啱啱知,叫佢自己睇報紙,公司都唔會俾我太Sexy。」

其實Yoga應該早就見過佢全相啦,不過G.E.M.面紅紅話﹕「梗係唔係啦!」佢話反而有興趣睇男友嘅寫真﹕「點會睇過佢Body,連游水都未游過,佢好專心做音樂,睇死佢都唔會影(寫真)。」

G.E.M.對佢同Yoga嘅關係繼續耍太極,但Yoga遲啲可能會嚟香港出席新城國語力頒獎禮喎,唔知到時佢兩個會唔會又拖手呢?佢就話﹕「睇吓到時條裙長唔長啦。」
G.E.M.同幾位《中國好聲音》歌手同場演出.jpg
G.E.M.同鄭虹合唱,掀起全晚高潮.jpg
G.E.M.露腰兼上圍激凸.jpg
記者笑佢俾林宥嘉睇過全相,搞到G.E.M.面紅紅。.jpg
趙露.jpg
返回列表 回復 發帖
<<新主題 | 舊主題>>
香港追星 STARHK » 娛樂名人討論 » 林宥嘉見過全相? G.E.M.紅都面晒

重要聲明:starhk.com為一個討論區服務網站。本網站是以即時上載留言的方式運作,starhk.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。starhk.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。